【射鵰英雄傳】米雪系第一代黃蓉　贊苗僑偉黃藥師造型man爆

米雪大大話話都系第一代黃蓉！（郭敏玲攝）

最近內地古裝劇《新射鵰英雄傳》簡直hit爆，而且TVB眼見這股風潮，將原本已撼低的自家重頭劇《賭城群英會》、由楊冪主演的內地劇《三生三世十里桃花》，再一次變卦換牌，於5月8日播放《新射鵰英雄傳》，希望個勢可以keep住上，觀眾受唔受就未知，但呢股古裝劇潮將會進一步瀰漫香港。

講起《射鵰英雄傳》，不論是電影、電視劇，數數手指，翻拍次數快將有20次之多。而今日眼見米雪出席TVB劇《心理追兇Mind Hunter》活動，回想起她在佳藝電視時期，拍過《射鵰英雄傳》，是第一代黃蓉。米雪亦因此劇而一炮而紅，當時被大讚將黃蓉佻皮可愛。而今日米雪得知無線會播《新射鵰英雄傳》，以第一代黃蓉身分表示：「好劇不妨一睇再睇啦，我仲記得我拍呢套劇時都好開心。」不講不知，米雪姐都有留意三哥苗僑偉在劇中的造型：「梗繫有留意啦，佢套劇個造型真繫好有型，之前同佢食過飯，都覺得佢keep得好好，近睇都好似冇咩瑕疵。加上越大就越成熟，成陣味都出曬嚟。」米雪仲話三哥這類型一直好有市場，而三嫂都不用擔心，因為有人鐘意都好正常。