伊健志偉講撕裂照直播　前王菲經理人寬姐fb live冇避忌　

郭富城婚禮花生友食不停，除了岳父那句「我從小就聽你的歌長大後….」之外，最後一粒花生原來來自台灣，由前王菲經理人邱瓈寬掟出，她在fb寫上「説真的⋯結婚是好事⋯你結婚不請我是不是？好⋯我以後結婚也不請你！哼！不過⋯我比較大方！還是開香檳幫你慶祝一下！下次結婚記得請我喔⋯」看尾句就知寬姐的文字功力，這位在娛樂圈重量級人物近年最鍾意玩fb直播，早前她去福崗出席電影煞科宴，當中有曾志偉、鄭伊健、陳小春、錢嘉樂，寬姐當然有直播啦，除了拍到志偉、伊健隊酒外，還拍到他們飲多兩杯後的吐真言，在直播當中志偉向伊健、嘉樂仔，大講電影理念，當然有粗口作助語詞是常識，但最難得是聽到伊健講政治，他在片段中說：「….我有message，你既然係黃絲同其他人撕裂…..但我係電影裏面有另一個做法….其實無分對與錯，但唔好再撕裂…..」伊健似乎好緊張「撕裂」這個想法，更想將一些理念帶到角色上，因為志偉亦有回應他，說：「我驚未必搞得掂…..」伊健亦有回他：「唔緊要，呢個係我諗法啫….」唔通就係寬姐愛直播，所以令城城擔心…..而唔請佢呢？