梁諾妍條命勁旺夫 楊天命師傅：唔需要靠老公

堪輿學家楊天命師傅和梁諾妍（Inez)今日（10/1）現身筲箕灣出席HOY TV新春賀年節目《開運秘笈》錄影。楊天命師傅透露Inez今年兔年大有機會添丁：「喺年尾嘅時候機會就會大啲，不過叫佢老公洪永城勸力啲就得，而且嚟近新年又多假放，叫佢勸力啲咪得囉。喺事業方面，Inez佢本身係唔需要靠佢老公，佢係旺夫，反而唔係佢老公幫佢，加上佢本身條命有天月貴人，咁所以任何時候都會有人出手幫助。」

身邊Inez接著說：「咁本身我同我老公財政上係獨立嘅。所以我係唔使靠嘅⋯⋯不過當然就最好俾多啲家用我就會開心嘅，即係例如零用錢嗰啲我都OK嘅。（俾多啲家用，咁即係而家俾得少？）其實係可以再多啲嘅，最好俾晒我。（需唔需要入紙申請？）唔使㗎啦，總之佢要俾我就要俾我，因為佢之前有講過話俾晒我嘅。」

楊天命批梁諾妍在兔年大有機會添丁。（梁碧玲攝）

梁諾妍稱兩公婆財政獨立。（梁碧玲攝）