張國榮秘探骨癌男孩陪過最後日子 車淑梅回憶：令香港溫暖好多
哥哥張國榮離開大家已經14年，每年4月1日大家亦會到哥哥的追悼會上緬懷一番，又或者聽聽哥哥的《風繼續吹》、《芳華絕代》甚至《側面》等歌曲。而近日，就有人選擇於網上訴說哥哥的善事好事。事緣有網民於Facebook專頁【Medic Secrets】上張貼，內容是聯合醫院出版紀念刊物《一起走過35年》中其中一則故事：
1988年聯合醫院收了一個末期骨癌的19歲男孩（聲仔），有天他對護士說希望見到張國榮，「當時港台有個節目叫《夢想成真》，幫人圓夢，咁我就試吓搵主持車淑梅幫手，結果佢真係搵到張國榮。」護士黃潔如憶述。而在當時港台節目《夢想成真》主持人及醫院護士們的努力下，也順利得到張國榮哥哥的答應。「一定要低調，唔可以向傳媒披露，唔係宣傳活動。黃潔如答應，只將消息告知院長及其他護士長等數人⋯」引述文章，原來當時萬人迷的哥哥只有這一個要求。探訪當日，沒有傳媒，也沒有追星族，病房內只有聲仔及哥哥。當時哥哥也很關心聲仔，又答應每天跟他通電話。雖然通話只維持了6天至聲仔逝世，聲仔喪禮上哥哥也只是低調送花致意。
文章張貼後，專頁的留言也有其他人分享的故事，例如：「我有朋友幫過張國榮屋企裝修，唔小心整崩咗佢樓梯扶手 (果一件閒閒地過10萬)，哥哥冇責怪佢之餘仲叫佢唔使擔心，稱呼佢哋做手足仲不時買嘢飲俾佢哋。佢真係一個好好嘅人。」及「十多年前，哥哥於一間醫院拍戲，在等電梯時間，看到一位中風老人和他的妻子，就簽了名和送上祝福句子，那老人開心到哭啊！」
每個故事，也說出了哥哥這種有愛心而又低調的個性。雖然哥哥離開了我們已久，但哥哥的故事也能感動毎一個人，流芳百世。
車淑梅姐姐接受《香港01》訪問時回憶道：「嗰時都係（聯合醫院）姑娘打電話嚟電台，我就去聯繫哥哥，咁佢就非常之好，不過又非常之低調。好多藝人朋友都好熱心，但係佢哋好多時做咗呢啲嘢，都唔公開嘅。」（哥哥當時反應？）「我記得嗰時，哥哥好爽快就話OK嘅。佢就係一下子就應承。」當時《夢想成真》可以話係香港電台其中一個非常受歡迎的節目，而主持人車淑梅也經常收到聽眾的來電或信件。「我好掛住哥哥好多美麗嘅事，令到我哋香港溫暖咗好多。」
來源 : Medic Secrets facebook，聯合醫院出版紀念刊物《一起走過35年》