被指抄襲Anson Lo髮型 林正峰平反：主持《後生仔》已經係咁
撰文：吳子生
出版：更新：
林正峰今日（30/12）現身太古城出席無綫熱播劇集《有種好男人》宣傳造勢活動。對於近日有網民指他抄襲MIRROR成員Anson Lo（盧瀚霆）髮形，林正峰表示無奈，並指出自己早幾年為無綫J2節目《#後生仔傾吓偈》做主持時，已留有一頭「心形瀏海」髮型，而近日頻頻被群眾誤認為對方，他感到實在意外：「其實俾人話似佢，我真心開心，始終對方係一個咁有才華嘅人。（你呢個髮型早過佢喎！）咁要多謝我個髮型師，可能個髮型師有先見之明，知道個潮流個走向。初初我入無綫都係一路Keep住呢個髮型冇變過。」
林正峰續說：「其實韓風都真係幾勁，好多人睇完韓劇之後，好多人都會用呢個髮形，而我都唔例外，因為呢個髮型都幾適合自己，咪順便扮吓韓仔咁囉。如果你問我抗唔抗拒人哋話我係翻版Anson Lo，其實我就冇點去諗翻版定唔翻版，始終我都係鍾意做返自己。」