陳華鑫平安夜提早生B 湊夠「好」字開心過聖誕

2012年落選港姐、現年33歲的陳華鑫（Gloria）2018年與圈外男友周國榮結婚，同年誕下一名十分可愛的囡囡，之後離開TVB專心相夫教子。日前Gloria在社交平台分享唯美孕照，宣布再次懷孕；昨日平安夜更傳來喜訊，透露BB仔已經出世，是今個聖誕節最開心的禮物。

Gloria上載兩張相片，其中一張是BB腳仔相，腳帶上寫上「陳華鑫之子」，另一張則是嬰兒捉住媽咪手指的相，溫馨有愛。Gloria寫道：「呀～～～✨我們預訂的小寶寶在聖誕節之前又提早送貨了❤️母子平安，祝大家平安夜快樂💫#平安夜快樂#今次真係開開心心過聖誕。」張繼聰、洪永城、李璧琦等均有送上祝福，江嘉敏留言：「恭喜靚媽。」

Gloria公開孕照時透露會全心全意照顧家庭：「上次只有我同老公一齊影孕照，今次仲可以同個女一齊影相，感覺很奇妙，家庭越嚟越壯大，歡樂滿載。一個全新的挑戰，巨大的任務，我想像唔到之後湊兩個小朋友係點。」