肥仔@Error攰爆都力撐陳安立婚禮　封大人情：我哋講心唔講金

藝人陳安立（Brain)與前TVB「東張女神」林希靈（Agnes)今（24日）在深灣遊艇會舉行婚禮，現場星光熠熠，其中Error成員之一肥仔（梁業）獨自赴會，表示準備了大封人情。

忙到不可開交的肥仔雖然疲乏，但為了支持好朋友Brain他一早已答應參加宴會，在接受訪問的時候表示：「我近呢兩年同佢比較friend，所以嚟支持佢。（準備咗咩禮物？）大份啲嘅人情。（呢幾年搵好多喎？）我哋講心唔講金。」

問到婚禮有甚麼感動位？肥仔表示：「牧師講到好感動，不能形容。令到現場氣氛好嚴肅。（會唔會想婚？）唔講啦！（感情狀況點？）幾好。」認為在事業上穩定先才作安排，強調結婚只是一張證書一張紙而已。