35歲江若琳結婚4周年　與蕭唯展曬BB衫宣布懷孕：本已選擇半放棄

恭喜恭喜﹗35歲女星江若琳與老公蕭唯展（前名蕭潤邦），等待多年終迎來好消息，12月23日結婚4周年大日子，在IG上載超聲波照宣布懷孕，更因孕吐不適反應消失幾個月：「呢幾年間經歷過不停既嘗試又不停咁失敗，已經選擇左半放棄。」

點擊下圖看留言全文：

蕭唯展則說︰「結婚4周年了，身體健康夫妻和睦冇乜鬧交，多謝老婆。依家我嘅心情就好似美斯攞咗世界盃咁﹗我哋四年前嘅今日結婚，我望住好多小朋友喺我嘅婚禮入面跑來跑去，好可愛，好希望快啲有一個我哋嘅BB。點知......努力咗四年，中間試過好多次失望，醫生話雖然我靚仔，但精子唔合格，好難有BB。但係我習慣咗只要有夢想，凡事可成真嘅理念。首先檢討一下自己，重新建立一個健康嘅自己，戒咗煙，不停跑步做運動，食健康啲。終於四年後嘅今日，我哋成功攞到世界盃喇﹗多謝老婆，多謝每一位提供過良方畀我哋嘅朋友﹗」