【全職沒女】陳瀅車廂放電色誘　張振朗：網友實睇得開心！

《全職沒女》除了看沒女陳松伶、姚瑩瑩外，昨晚宅男女神陳瀅一場車廂色誘張振朗，看到班網友好開心，劇情講述當酒店職員的陳瀅因為要避雨，而坐了酒店太子爺張振朗的座駕，誘惑永遠是不知不覺最誘惑，這場戲陳瀅就發揮到極致，先問張振朗借紙巾，其間借意觸摸他的身體，之後拿紙巾抹乾腿上的雨水，接著又拉開外套，抹胸口上的水漬，連串動作都相當有味道，再加上陳瀅故意放慢的聲綫，最後還說：「我姣你唔起呀？」，劇中的張振朗竟然頂得住，認真是神人。

面對陳瀅誘惑的張振朗就話拍攝時都有尷尬，他接受《香港01》訪問時說：「拍呢場嗰陣未熟㗎，都真係有少少尷尬，但陳瀅都好專業啦，佢好快入戲，我都知場戲出街，網友實睇得開心，其實嚟緊佢愈嚟愈性感㗎，我都好性感㗎，不過網友應該留意陳瀅多啲，(現實遇到呢啲情況點做？)我諗現實中應該唔會有人想色誘我，哈哈……」唔通佢同緋聞女友陳芷尤平日相處只係相敬如賓？