汪圓圓大談兒女經　同老公輪流做「惡人」：我惡小朋友唔係好驚

汪圓圓今晚（15/12）與老公蔡加讚一同出席演藝學院籌款舞宴。她接受《香港01》訪問時，大談兒女經。她說：「兩個仔就嚟7歲，個女就8歲，佢哋個個都入咗小學，而家返全日好多功課，好多活動，所以都好忙。」她直言，照顧小朋友讀書做功課是非常辛苦。

她續說：「因為我之前唔喺香港讀書，所以都唔知佢哋功課咁深，又中文，英文，數學，好多好多唔同projects，其實我一路都陪住佢哋學緊。」身為三子女之母，汪圓圓表示平時會和小朋友一起做功課，做projeccts。

她自言對着小朋友，她有慈母一面也有嚴厲的一面，因為希望小朋友可以開心成長之餘，也想他們有自己想法，但同時也相信傳統的教育方法。她說：「因為我父母對我好嚴，所以我覺得都係要教。我老公同佢哋玩嘅時候真係好silly，不過佢都會做規矩（教小朋友守規矩），呢方法我同佢合作得好好。我哋會take turn，我就會惡過佢，不過如果我惡，佢哋唔係好驚，因為已經慣咗，如果我老公一惡少少，佢哋就會好驚。」