陳伶俐改嫁變豪門少奶　老公撲飛分行坐睇阿根廷取3球

陳伶俐2008年與林敏驄離婚後，2012年改嫁新加坡隱形富豪胡嘉烈後人劉頌銘，婚後為丈夫誕下一子，過住豪門少奶生活。今年的世界盃，陳伶俐孖老公直飛卡塔爾觀看賽事，第一晚抵埗已捕獲國際足協（FIFA）球證委員會主席兼意大利籍名哨哥連拿，留言：「畀我幸運地遇上他 #哥連拿 #史上最強 #球證」。

剛於香港今（14日）凌晨3點進行的賽事，阿根廷對戰克羅地亞以3比0成績勝出，陳伶俐都有到場欣賞，不過現場播出陳奕迅（Eason）的大熱歌《孤勇者》，她在社交網透露自己「聽唔到」，但未解釋是遲入場，還是現場太嘈。

4強賽事門票一票難求，陳伶俐老公想盡辨法，為老婆撲飛入場睇波。雖然兩人只能分開幾行坐，但老公選擇坐後幾排，一來可以望實老婆以策安全，二來可以讓老婆睇得更清楚，認真寵妻。伶俐上戴夫妻分坐合照，並興奮一齊舉V，寫道：「因為好朋友的一個訊息，我九秒九想辦法，老公三秒三上網狂襟電話撲飛，為了 #孤勇者 #最後係球場聽唔到，但畀我認識到第一位當地的朋友仔。#孤勇者聯盟 #第一次自己坐睇波 #阿根廷好波」。