Angelababy飛澳門做遊客　豪住五星酒店房價3千起跳

Angelababy(楊穎)日前忙裡偷閑，與友人去到澳門遊行散心。由佢喺微博分享的片段所見，除咗走訪多個景點之外，葡撻、奶茶、骨煲等美食全部都試晒。

影片中，baby亦有開箱自己嘅酒店，有網民隨即發現Baby入住嘅係位於路氹嘅位倫敦人酒店，房價每晚約3千多港元，房內除有按摩椅外，亦有超巨浴缸。近年由於疫情關係，唔少澳門嘅酒店都割價吸客，五星酒店如文華東方、四季酒店、 Ritz Carlton等全部房價都兩千有找，唯獨倫敦人未有加入減價行列。雖然有指Baby「降呢」被飛出C位，代言數暴跌，但似乎未有影響其生活質素。