郭富城將現身無綫慶祝55周年台慶？　「我個心其實好感動」

郭富城（Aaron）今日（16/11）現身尖沙咀海港城擔任亮燈嘉賓，更為活動重新錄製二十年前大熱作品 《戰場上的快樂聖誕》並改編成聖誕慈善主題曲 《我們的快樂聖誕》，在接受《香港01》訪問時，透露自己往年的聖誕節都會模仿聖誕老人氹女兒開心，又表示作為父親將會在聖誕節再次帶同妻女過來打卡：「到時候我哋喺到見啦。」

最近有消息指出郭富城答應無綫電視（TVB）將在55周年台慶中亮相，不過他本人表示：「一個電視台能夠喺55年陪住大家成長，我覺得好有意義，我亦都係TVB出嚟，我個心其實好感動，我聽到消息話今年台慶有當年我訓練班嘅老師出現，其實已經退咗休，我好希望見到佢哋。至於你話有咩活動，尊重返TVB啦，留返TVB公布（confirm嗰日會出席嘅？ ）到時你咪知囉。」