港式點心英文原來係咁？　龍躉蒸飯考起鬼妹仔香格拉

每逢在街上撞到朋友，例必有句「得閒出嚟飲茶」，可知在茶樓嘆「一盅兩件」的文化，在本地大行其道。不少外國人來到香港，當然久仰廣東點心美名，但入到茶樓，卻往往發現英文點心餐單不知所云。瑞士來港的美少女YouTuber香格拉，表示相當喜愛飲茶食點心，但望住張點心紙，大嘆「睇點心名唔知係乜嘢點心，只知係有乜嘢肉，蒸定係炸」，不要笑鬼妹仔不懂得中國飲食文化，其實馬拉糕、叉燒包等點心英文，大家又識得幾多？

香格拉接受《香港01》訪問，表示其實在瑞士也有得飲茶食點心，但質素卻差天共地，「香港點心比瑞士好食好多，好濃味，新鮮啲囉。例如蝦飯嘅蝦肉好好多，瑞士啲蝦餃皮冇咁扁(薄)，蝦亦好細，冇味亦冇感覺。如果係瑞士食點心，冇機會食到特別啲嗰啲囉，可能只食到蝦餃、燒賣、小籠包，其他就冇囉，好慘。」

在港生活當然要融入本地，香格拉不但廣東話愈來愈流利，而且喜愛食點心，她表示：「我好鍾意飲茶㗎，最鍾意嘅點心叫做『蘿蔔絲酥』。（在茶樓會否自己落order叫點心？）我可能只識得嗌腸粉、蝦餃、叉燒包、燒賣，唔可以嗌好多嘢，唔係識得全部嘅點心名。」其實不少茶樓已有英文點心紙，方便外籍人士點菜，但港式英文直譯點心名，對外國人肯定是一大挑戰，香格拉今次進行大測試，純粹給她看英文點心名，再講出是什麼點心及菜式。

最後12款點心及飯類，香格拉能準確猜中的有「馬拉糕」、「蝦餃」及「燒賣」，而她最愛吃的「蘿蔔絲酥(餅)」，英文是「baked shredded radish puff」，她估是「蘿蔔糕」，至於「鮑汁叉燒包」(steamed buns stuffed with abalone sauce)，她表示「唔知廣東話叫乜嘢名，但可能係一個包，裡面有啲鮑魚醬，係鮑魚味嘅」，如果按字面解釋以為有鮑魚，老外難免中伏。

平日飲茶時的冷盤「海蜇伴燻蹄」(chilled pork shank and jelly fish)，對香格拉來說，原來只是「有豬肉，同埋有水母，但唔知叫乜名」，想深一層海蜇又真的是水母來的，但水母可以放入口，卻非老外能夠明白。至於飯類對香格拉來說，又是一次智慧挑戰，皆因「龍躉件蒸飯」(giant grouper steamed rice)，她能估中「蒸魚同埋白飯」，但同是魚類「龍躉」和「龍脷」價錢可以差好遠。另一款不少港人至愛的「鹹魚雞粒炒飯」(fried rice with salted salmon and chicken)，香格拉則理解為「鹹三文魚同埋雞，可能係炒飯」。看來在推出簡體字餐牌，迎合內地同胞外，英文餐牌也要下點功夫，才能讓世界各地的遊客賓至如歸。

港式點心及菜式英文譯名：