虛擬情人｜曾志偉新抱王敏奕劇接劇不怕人眼紅：其實我身份好卑微

王敏奕（Venus)和朱敏瀚（朱仔）今日（14/11）現身電視城出席無綫新劇《虛擬情人》造型記者會。對於二人首次合作，朱仔表示：「雖然大家係第一次合作，但一同佢交流，佢大部分嘅話題都係講演戲，相對近呢幾年，其實我對演戲方面係越來越有濃厚嘅興趣，變咗我係好期待開工嘅時候大家就可以再交流多啲。（同曾志偉新抱合作是否有壓力？）咁又冇嘅，都係演戲啫。」

而身邊Venus笑接說：「其實都係咁啦，唔好玩啦，唔好斷我米路呀。（話晒你都係志偉新抱，會否特別得到其他人優待？）其實我身份好卑微，冇任何優待㗎。（你劇接劇，怕唔怕其他人眼紅你？）我冇覺得自己特別多喎，可能你好留意我啦，哈哈！不過講真，我覺得我所演嘅角色都係好特別，而比較貼近自己嘅真個性，就係《法證V》嘅角色。如果你問我怕唔怕人哋有閒言閒語，呢方面我係控制唔到。但不過我係會用行動去證明俾大家睇。（是否向視后目標邁進？）其實呢個殊榮，有就梗係開心，但都要繼續做好自己嘅嘢，而我個人就唔好諗咁多。」