余子明逝世︱曾爆TVB逼簽$6,800包薪約　呻不受尊重：真係辛苦！

甘草演員余子明今日（10/11）病逝，享年78歲。雖然余子明的最後作品是ViuTV劇集《940920》，但其實他效力過「隔籬台」無綫（TVB）超過40年。2020年8月離巢的余子明最後一套TVB劇集是《踩過界II》，他之前接受傳媒訪問時便大爆被迫簽一年一騷的包薪$6,800合約，感到不受尊重、心淡，他說：「做演員咁多年，喺無綫嗰啲真係辛苦，休息時間唔夠，被太太投訴，個仔都勸我唔好簽，為興趣都要搵到食㗎。」他更指TVB的人工不夠生活，好彩有登台搵外快，加上太太馮素雲投資有道，所以支持到家庭支出。

另外，他亦在訪問透露過赴內地拍攝《尋秦記》外景時意外倒地撞傷頭，回港後因為腦部積瘀血，一度昏迷開腦做手術，手術費廿萬，但只有兩萬蚊勞保，而其頭頂亦因此有個凹痕。

77歲余子明拍ViuTV神劇《940920》：TVB唔會好似以前咁巴閉

余子明簽部頭約拍ViuTV《940920》感開心　呻TVB開工成日要等時間