陳自瑤大頭蝦忘記「雙11」結婚11周年紀念日：只記得聽日巡禮

陳自瑤（Yoyo) 今日（10/11）現身電視城出席台慶魔術表演項目綵排。踏入明天「雙11」便是王浩信與Yoyo的結婚11周年的重要大日子，皆因當年二人特別安排在2011年11月11日，上午11時舉行婚禮，所以對他們來說是別具意義的。被問到明天會否煮好餸慶祝？Yoyo一臉茫然說：「聽日咩日子呀？（聽日你大日子！）係咩大日子？（雙11！）哦，係呀，聽日11月巡禮。（你結婚11周年！）呢排真係好忙，我淨係記得聽日係巡禮咋，因為聽日會由朝忙到晚，晨早就要返嚟化妝，我真係唔記得咗。不過都唔緊要，因為佢咁啱仲喺內地拍嘢仲未返，咁唯有等佢返來先再諗點補慶祝啦。」