叱吒記招引過百MIRROR粉絲霸位　最早提前兩晚通宵紮營等見偶像

原定於上星期於昂坪市集舉行的叱咤頒獎典禮記者會因颱風關係而改期，經調整後將會於明天（10日）落實舉行。一眾粉絲都提早到市集先排隊佔個好位置，直到晚上八時為止，已經有過百粉絲聚集，更有不少的帳篷，而警員亦有間中進行巡邏。

有鑑於上年的經驗，昂坪360已經為在場的粉絲提供暖包、熱水及餅乾，更貼心地開放其中一個舖位讓粉絲入內休息。根據餐廳職員指有粉絲提早兩天排隊：「最早個班尋晚6點已經到，今朝再陸陸續續加多啲人，今日已經塞滿咗個圈！」職員表示昨天（8日）已經有粉絲前來目測位置，昨晚職員離開時已有7個粉絲在這「紮營」。餐廳職員又指昂坪360有與餐廳溝通，希望餐廳能夠延長開放時間，因為擔心餐廳關閉後粉絲便沒有食物，希望餐廳能作出配合。

今日（9日）才到的粉絲指自己沒有太早到達，A小姐說：「我6點左右先到，上到嚟已經頗為多人，都已經有唔少人紮咗營同鋪晒地氈，我哋上到嚟嘅時候已經冇乜位。（會否帶多件外套禦寒及糧食充飢？）我比平時帶多件擋風嘅風褸，就冇特別帶暖包上嚟，冇特別多帶糧食，因為我食得好飽先上嚟。」昨日已經在排隊的粉絲B小姐稱：「其實有離開過，今日先再返嚟，時間就唔講啦！」