MIRROR休團兩個月復出　Lokman冇情緒低落：睇你想喊住走定笑住走

MIRROR因7月尾的紅館演唱會發生嚴重墜屏意外，兩名舞蹈員被巨型屏幕擊中受傷，MIRROR隨即宣佈休團兩個月調整身心及疏理情緒。今日（7/11）MIRROR其中四位成員隊長Lokman(楊樂文)、副隊長AK (江𤒹生)、王智德（Alton）及邱傲然（Tiger）齊齊現身觀塘出席ViuTV原創劇《繩角》宣傳造勢活動。

對於休團之後復出見大家，Lokmam直言心情沒太大緊張：「其實本身我有一個心態，路始終我哋一路都係要走，好睇你個人想喊住走，還是笑住走。而我就係天跌落嚟當被冚嗰隻。如果你問我有冇情緒低落，我就冇嘅。不過明白自己作為佢哋嘅隊長，少不免比起佢哋嘅壓力其實係唔少，變咗好多時自己都要疏理一下自己嘅情緒。」而Alton接著說：「其實都好似隊長咁講，你點都要行返出嚟，睇你想喊住走還是笑住走，咁如果想睇喊住走嘅，大家不妨睇返《全民造星》嘅我，如果想睇我笑住走，就睇現在嘅我。」