林鈺洧踢爆老竇求驗DNA講大話 林俊賢開腔回應：有咪有囉
撰文：程嵐風
出版：更新：
應屆港姐冠軍林鈺洧（Denice）今日出活動，首度回應父母爭吵風波，對於媽媽Jasmine多年後控訴爸爸林俊賢家暴表示可以理解，「可能係個心結」，又踢爆林俊賢講大話，指自己15歲重遇爸爸時，曾被要求驗DNA，還句句有骨說：「可能佢比較善忘，年紀大，我咪當驗新冠核酸。」
身在內地拍戲的林俊賢今透過表妹馮鎵瀠（Naomi）向《香港01》回應，語帶晦氣說：「哦，咁有咪有囉，我都唔回應嘞，我都唔知呀！」
點擊睇更多林鈺洧靚相：
+14
Naomi就戥林俊賢慘，表示會力撐到底，她說：「其實表哥當時係回應返Jamine嘅指責報導，講緊同Denice 7歲見面時候，表哥係冇要求驗DNA，可能傳媒曲解咗意思。而我係百分百撐表哥，全屋企人支持佢，因所有屋企人都知道真相，唔想一啲人亂講嘢抹黑我哋一家人。」