【金像獎】前度姜麗文聽到鄭俊弘笑出聲　秦沛撐女：瞓住都笑醒

最佳男配角候選人秦沛出席金獎像，有女兒姜麗文、子兒姜文杰一齊陪住行紅地氈。行完紅地氈接受訪問的時候，圍繞的題目不是該電影《北京遇上西雅圖之不二情書》，反而是姜麗文的舊愛鄭俊弘。兒子姜文杰還提醒爸爸今日係金像獎，唔好亂講嘢，不過看得出他們三人心情的確十分愉快。

秦沛首先說一家人一齊行紅地氈，而且能夠參與一年一度的電影界盛事是一種榮幸，好開心。現場有記者又再問一次秦沛是否好開心，立即惹來三人笑口大開，現場也笑聲不盡，對於這條暗示性的題目，秦沛說：「嚟之前，而家，之後都會好開心嘅。」當有人問到呢兩日會否特別開心，旁邊的姜麗文立即掩咀遮笑，秦沛就話：「呢兩日比較累啲，因為啱啱喺加拿人飛返嚟，時差問題，夜晚瞓唔著覺，笑醒嗰啲。」

不過秦沛一聽到鄭俊弘個名，就連講幾句多謝，似乎想結束訪問。不過最終都面口一黑回答問題：「我都無睇佢（鄭俊弘）啲新聞，睇緊金像獎啲新聞，今年好好睇，男配角爭得好緊要，個個都好有實力嘅。」至後再有記者提問姜麗文，引述鄭俊弘話「無負於你」，秦沛立即將咪還返俾記者結束訪問，仲問記者：「你想唔想我地開心呀？」看得出這位好爸爸十分保護女兒。