安哥同學會｜方力申後悔承認玩交友App　強調生活充實不急於拍拖

方力申自從與Stephy(鄧麗欣)分手後一直單身，曾自嘲係識唔到女仔的可憐蟲嘅佢，坦承有玩交友App。日前他接受港台節目《安哥同學會》訪問時，重提「交友App」一事，他表示自己只係太過坦白，人哋問咩佢就答咩，冇諗過久而久之會令人覺得自己好急於拍拖，似乎有少少後悔。「如果我好急或者好想，我就拍咗啦！我生活好易滿足，我亦都好忙，唔需要有另一半都好快樂，唔需要有另一半畀愛，我都感覺到每日充滿住愛。」方力申又指自己確係有結婚計劃，亦有組織家庭嘅畫面。「但我係咪好急、幾歲之前要去搵呢？一啲都冇。」

方力申表示未來日子以事業為主，尤其是游水學校，他表示呢幾年雖然「蝕極有個譜」，但由於不少教練已轉行，所以不易請人，令他有感未來日子不易過，只能「有錢盡力去搵，有錢盡力儲」。

點擊睇方力申同劇對手陳瀅性感造型：