沈震軒爆拍劇因無時無刻補妝收監製電話　急解釋：我唔係天生麗質

現年39歲的沈震軒最近到陳敏之個人YouTube頻道節目《chit chat》做節目嘉賓，二人曾在《使徒行者》中合作而結成好友，陳敏之忽然講到沈震軒拍攝期間非常貪靚，沈震軒更大爆曾因此事收監製電話：「監製私下message我，話震軒呀，其實你個形象係比較男人啲，你成日咁樣會俾人覺得你好貪靚，你要諗吓呢件事要點解決？」沈震軒解釋指因當事其他演員比較大卡士，有化妝師跟身，而自己當時比較新，只能靠自己補妝：「之後我請咗個化妝師，我當時未賺到咁多錢就要使咁多錢，但唔使呢嚿錢，自己做又會有呢個問題，所以就忍痛。」陳敏之稱沈震軒是他認識的男藝人中最貪靚：「佢真係無時無刻喺度補粉，但後來就變咗。感情方面，沈震軒亦透露與女朋友陳欣妍感情穩定，有結婚計劃。