早霸王｜鄭伊健稱一年只做一件事　仍然享受打機：我可能比較懶散

鄭伊健近年「深居簡出」，鮮有幕前演出。至早前宣布將舉行演唱會，加上主演電影《深宵閃避球》上畫，伊健「重返」幕前，今早他到商台接受森美、小儀《早霸王》訪問，被問到近年是否仔以休息為主，他說:「係呀，我一年做一樣嘢（演唱會）。」小儀聞言後，即大叫「好爽」，伊健就解釋自己係冇嘢做，並謂可以體會疫情下到底發生什麼事。

對於被指懂得享受人生，伊健就話「我可能比較懶，不過都要諗下做啲咩。」他表示依然喜歡打機以及科技玩物，但抱怨近年因疫情關係，不少東西都十分難訂購，例如Steam deck。「我仲好享受打機同gadget嘢，我有好多唔同年齡習嘅朋友，好開心，一上網拎副眼鏡就聯絡到。困喺屋企有咩好做，咪拎副眼鏡去環遊世界。」訪問播出後，唔少網民都表示十分羨慕伊健嘅生活，指佢一年只做一件事，根本就係「人生大贏家」；亦有網民指伊健選擇了遊戲人生，興趣係打機同去日本，十分易滿足。