【心理追兇】賣魚佬湯鎮業後生型到裂　電車激戰夏汶夕再咀張國榮

《心理追兇Mind Hunter》除了馬國明終於有「四正」角色演，值得支持外，最近在劇中飾演賣魚佬的59歲湯鎮業，亦非常搶鏡，年輕一點的網友，可能會覺得這位劇中大叔，有演技，演賣魚佬入型入格。但其實他後生時是無綫當紅小生，《天龍八部》中的段譽，《香城浪子》的應子輝等…..亦是五虎將成員之一，當紅程度絕對威過現在的馬明。除了電視外，他和張國榮合作的《烈火青春》亦是經典，就算現在重温亦不覺得過時，戲中有場著孖煙通躺在草地的戲，甚有《春光乍洩》Feel，之後更有場和哥哥咀戲。不過要數到最激的，一定是戲中和夏汶夕在電車中的激情場面，簡直是青春片的經典，那時的湯鎮業身型修長，樣子亦正亦邪，絕對是男神級數。

 

湯鎮業感情生活亦充滿傳奇，最為人記得，應該是和翁美玲的一段情。當年兩位是當紅小生花旦，尤其翁美玲是粉絲心目中的黃蓉，但在85年5月14日翁美玲在寓所開煤氣自殺身亡，當時外界都認為她是為情自殺，令湯鎮業壓力極大，當時報道指湯認屍其間哭成淚人，而翁美玲出殯當日，近千影迷在世界殯儀館道別，而湯鎮業亦有出席，據年的新聞報道，湯將一玫塊花插在翁美玲的髮髻，更將一把梳子一分為二，一段用作陪葬，另一段湯鎮業保留。而之後湯鎮業亦結了兩次婚，現任妻子鄒文靜2008年結婚，現育有3女及3兒。

 

湯鎮業亦是2012年港姐湯洛雯的叔叔，二人在《心理追兇》亦是同劇，湯洛雯更是女主角之一，不過兩位並沒有同場，她接受《香港01》訪問時說：「我同阿叔係同劇，但我哋未試過同場，細個都成日見嘅，佢其實都好忙，今次特登抽時間嚟拍，（網友話佢而家好肥？）我覺得叔叔𠵱家係另一種味道，佢做呢個角色好好，尋日我睇到喊，不過佢後生嗰陣，我叔叔真係好靚仔，但都係我老豆（湯鎮宗）靚仔少少….哈哈！（咁同羅天宇比邊個靚仔啲？）嘩…呢條答唔到喎。」