鄧麗欣39歲生日曬水着唔等《飯戲》破7千萬　二度發育曲線極誘人

鄧麗欣（Stephy）有份主演的電影《飯戲攻心》最近成為了香港史上港產片喜劇票房第一位，雖然Stephy早前預告票房破6,000萬元便會曬水着報答觀眾，但目標達成後她會臨陣縮沙，指自己會在7,000萬才會分享照片。有排睇到秘密水着？梗係唔係啦！Stephy今日（15/10）趁住39歲生日正日便向網友開心Share泳照，相中的她大騷曼妙曲線，認真誘人，她在帖文中寫道：「正所謂砸數唔好砸過年，砸相唔好砸過生日，就在我生日這天還清債務，等我生日過後可以安靜的休息一下。7000萬目標依然沒變！見post睇戲，多謝大家。」吸引大讚網民讚好，更有人寫道：「好正」、「好索」。

點擊下圖觀看Stephy絕密水着：

當然，出名多圈中好友的Stephy生日時不會只是曬相如此靜局，日前好友區文詩精心安排慶祝活動，二人身處中環天台酒吧玩得非常開心，壽星女更罕有穿上超Deep V短裙現身，過膝長靴曬絕對領域非常吸睛成為全場焦點﹗

點撃睇Stephy靚相：