野人老師︱鄭丹瑞激讚小演員醒目　「我仲NG得多過佢哋」

ViuTV原創劇《野人老師》逢星期一至五晚上9時30分播出。劇集講述一對教師父子以生活融入教學為理念，經營鄉郊學校的故事。

上星期的劇情播出後，一眾小演員的演技令人注目，令不少觀眾感動落淚，就連邱士縉（Stanley@MIRROR）、談善言和鄭丹瑞（旦哥）都對他們讚不絕口。行內常指拍劇最怕遇着小朋友和動物，旦哥指今次的小演員愈拍愈醒目，笑言他們比自己更熟劇本：「佢哋一埋位就記得哂劇本同台詞，劇組老師只要喺現場畀少少貼士引導情緒，成件事就好Perfect、好得意。我開頭都仲好擔心會唔會超時NG，結果我仲NG得多過佢哋」。

點擊下圖觀看小演員可愛模樣：

談善言亦指本身都擔心要和小朋友對戲，但幸好開拍前劇組有安排工作坊予小演員練習，所以拍攝第一日已經打成一片。Stanley更大爆談善言十分喜歡劇中的一眾小朋友，喜歡到要用他們相片做手機Wallpaper。