聲夢傳奇2｜趙紫諾曾入讀伍樂城音樂學院 否認有後台：係絕對冇
撰文：谷仁希
出版：更新：
TVB選秀節目《聲夢傳奇》終極五強正式誕生，他們即將進行決賽，選出究竟誰是第二屆的冠軍。今天（28日）TVB邀請五強，在決賽前舉行一個宣傳，讓他們為自己拉票。
趙紫諾（Sabrina）接受《香港01》訪問時表示心情極為緊張：「有啲緊張，同埋我覺得就決賽，有啲壓力，但係我覺得我依家心情有一個正常心態面對呢個比賽，要好好享受呢個比賽。」
進入五強，每一位都被稱為大熱，趙紫諾指能進五強都是強敵：「其實依家大家都有強嘅招數，因為最後一回合，大家都會爆出嚟，將最強一面Show出嚟。（你有絕招？）依家唔可以講，但我花咗好多時間去做呢個。」
另外網上有網友發現趙紫諾去過伍樂城的音樂學院學唱歌，而伍樂城也是比賽初期的評判之一，網友質疑趙紫諾有後台，她解釋沒有後台：「比賽啱開始我喺香港搵唱歌老師，我喺個度上咗兩、三次堂，然後就離開咗。佢應該知道我比賽，但唔熟，因為我嘅導師唔係佢。（有後台？）係假嘅，係絕對冇絕對冇，我哋係正常比賽。」