聲夢傳奇｜黃洛妍成賽中大魔王　決賽認有信心奪冠

TVB選秀節目《聲夢傳奇》終極五強正式誕生，他們即將進行決賽，選出究竟誰是第二屆的冠軍。今天（28日）TVB邀請五強，在決賽前舉行一個宣傳，讓他們為自己拉票。

五強之一黃洛妍憑翻唱《溝渠暢泳》，成為選手眼中的「大魔王」。星期日便是決賽，黃洛妍在接受《香港01》訪問時，表示絕對有信心：「緊張又興奮，成個比賽都持續咗半年，想快啲完成，因為壓力來自係一件事一直都唔完成，想快啲完成。我永遠都係提醒自己係一個有信心嘅人。」

談到翻唱《溝渠暢泳》，黃洛妍被網友大讚好過原唱，黃洛妍直言唔敢當：「我覺得泳兒老師唱歌好好聽，泳兒老師都有講，我哋唱歌方式、表現都唔一樣，各花有各眼，我覺得幾好，依家有呢兩個版本。」