出爐港姐冠軍林鈺洧被翻舊帳 自揭有5位性伴侶：我冇後悔
撰文：吳子生
出版：更新：
《2022香港小姐競選決賽》昨晚（25/9）完滿結束，三甲人選順利誕生，冠軍是8號林鈺洧、亞軍是4號許子萱及季軍是梁超怡。今日（26/9）冠軍林鈺洧被人翻舊帳，指她曾亮相ViuTV節目《對號入座》同《鬼同妳上位》中自稱有過5位性伴侶，還大膽談性經驗，隨即引起網上熱議。有網民留言指她嚴重影響港姐聲譽，更封她為「港姐性女」。
港姐冠軍林鈺洧便就事件接受《香港01》訪問時：「其實嗰陣時係做緊一啲綜藝節目，我亦都好珍惜呢啲機會。嗰陣時亦都冇諗過拍拖呢啲係乜嘢大事，只係用朋友傾偈咁去分享自己嘅經歷，而嗰個節目主題係講星座。不過今次我經過呢一堂課之後，知道第時講嘢嘅時候就要謹慎少少。（有否後悔講過嗰啲說話？）我覺得做得一樣嘢就唔可以後悔，咁唯有當學多一樣嘢，我真係冇後悔，始終一個騷，一個節目，一個工作都係一個大大嘅課堂嚟。（網民封你為「港姐性女」）唔緊要啦，呢緊呢一年我履行香港小姐嘅職責，我會盡力做好啲，我相信時間會沖淡一切，如果我表現做得好，相信網民會睇到我嘅努力。」