黯夜守護者｜江嘉敏扮後生被網民狠批老嫌吵耳：佢哋打擊唔到我
撰文：吳子生
出版：更新：
由陳展鵬、陳煒、陳敏之、江嘉敏、謝東閔及袁文傑等人主演的TVB劇集《黯夜守護者》，劇集播出至今，有不少網民大讚劇中年輕演員區明妙及羅毓儀等讚不絕口。但不過同樣在劇中飾演20歲少女的江嘉敏則被網民瘋狂劣評，直指她30歲扮少女，演技和聲音同樣造作，總令人覺得非常煩厭。
今日（19/9）江嘉敏現身荃灣出席劇集《黯夜守護者》宣傳活動時，就網民批評作出回應：「講真由我當時25歲去演20歲呢個角色，的而且確我係扮緊後生。不過佢哋點留言評擊我，我係唔會唔開心，亦唔會打擊到我。係因為我自己會思考有邊啲留言應該睇，邊啲唔應該睇，有用嘅我就會擺喺個腦裡面，而有啲人連劇都冇睇過嘅，就為鬧而鬧，咁呢啲留言我咪唔會睇又唔會理囉。相反如果有啲網民寫得好清楚話我咩地方不足，我就會記住，例如話我聲音好嘈吵，咁呢啲我會改善同接受嘅。」