周元香港簽唱會　後援會fb聲討：「請不要傷害周元香港的粉絲」

韓星周元日前來香港出席活動，在台上一展歌喉之餘，更跟粉絲又攬又抱勁開心！不過，事後有香港粉絲就在網上力數主辦單位不是，先係指主辦單位的K小姐臨時取消台上送禮物環節，原因是「禮物有牌子不能送」，但另一邊廂卻全數收下粉絲為周元準備的點心及飲品。

當去到揀選周元粉絲上台玩遊戲時，主辦單位先以「經理人要求要多啲海外fans」為由拒絕香港粉絲上台，後來再用「可唔可以搵個靚啲？」、「睇落好似好巴渣」、「有無啲望落去乖啲？」作借口，推卻香港的周元粉絲上台。更意想不到的是，最終有幸上台的周元香港粉絲代表，竟然是連香港後援會也不認識的路人一名，周元粉絲指該路人「連台上的是誰，出演過甚麼劇集都全不知道！」難怪令真正的周元粉絲生氣！

記者透過facebook專頁聯絡上該名投訴的周元粉絲，她表示：「商場方面一早已經應承可以安排我們上台送禮物，但去到現場突然表示唔可以，只係話禮物有牌子，但其實我們已經用貼紙蓋住，最唔合理就係搵晒海外fans上台，一個香港舉行的活動，點解要搵海外fans呢？我哋咁想上台係因為有一名粉絲身體唔係咁好，佢希望藉這次機會得到周元的鼓勵，但最終都失敗了！」看來主辦真的有需要聯絡上周元的香港後援會，看看當中有沒有甚麼誤會？