武打明星高飛病逝　華仔養傷憶亡友：又一個熟悉嘅演員朋友離開

著名武打明星65歲的高飛，昨日傳出他因病離世，其好友何家勁今晨在微博證實此事「香港資深電影演員，動作導演高飛於2017年3月30日晚9點半在香港北區醫院與世長辭。令業界失去一位英才。想當年明星足球隊最fit的右翼球員。一路走好。」

高飛善演反派，1967年在電影《龍門客棧》任臨時演員，之後開始踏入影圈，70年代開始當重角色兼擔任武指，代表作包括《扮豬吃老虎》（1980）、《大紐約華埠風雲》（1985）、《皇家飛鳳》（1989）、《黑道福星》（1989）、《極度重犯》（1998）等。

 

1981年高飛開始當導演，首部作品是《沙煲兄弟》，92年到菲律賓與馬來西亞發展，拍過不少低成本動作片《宇宙狙擊》《至尊特警》《執法威龍》等，更一手發掘日本武打女星大島由加利，令她拍了不少港產動作片。

除了愛電影外，高飛亦熱愛足球，更是明星足球隊嘅主要成員，連養傷嘅華仔都為高飛離去而惋惜，他回覆傳媒:「又一個熟悉嘅演員朋友離開，個心唔舒服覺得可惜。跟高飛認識左好多年，由明星足球隊嘅時候就認識，離開咗電視台一直都有同佢拍戲，佢係一個好好嘅前輩，教咗我哋好多嘢。希望高飛一路走好，佢嘅屋企人亦都節哀。我哋會永遠都記得佢。」

而當年明星足球隊常客，現已投身保險界的戴志偉亦為好友難過，他以電話回應:「我哋好耐都冇聯絡喇，我都唔清楚，但佢喺球場就好好體力,好快㗎，冇人追到佢...非常全面嘅電影人。」