英女王逝世｜簡淑兒親自到白金漢宮做訪問　勁難忘親證雙彩虹

簡淑兒（Jessica）目前正身處英國為開電視拍攝節目《離鄉別井的故事》，對於英女王伊利沙伯二世上周四（8日）逝世，全英國展開10日哀悼期，簡淑兒更去到白金漢宮做訪問。

在英國白金漢宮下半旗之前，倫敦上空一度掛上雙彩虹，簡淑兒亦有見證：「最難忘係見到彩虹，因為當時一直有傳聞英女王會走，跟住成日都落雨，去到晏就突然停咗雨跟住出彩虹，我真係未見過成條好大條嘅彩虹，嗰個情景係好震撼！隔咗一陣，就宣布英女王逝世，你個心真係沉一沉，is her way of saying goodbye，因為佢俾人嘅感覺都係好開心同正面，佢嘅招牌笑容係好親切同溫暖，可能佢走都想留一個開心嘅感覺俾大家。」

到白金漢宮做訪問，簡淑兒更深切感受到當地人的人情味：「見到所有人好願意排幾個鐘頭，為嘅就係放低一束花，同佢哋做訪問即使佢哋唔想上鏡都好有禮貌，喺佢哋心目中真係好尊敬英女王。」