26歲港姐佳麗陳銘鳳正職係小紅書博主　出Po收費隨時貴過無綫藝人

應屆港姐佳麗陳銘鳳（Cherry）本身內地網紅，去年與友人一同創業做老闆，成立教學咨詢顧問公司，向有關人士提供留學、簽證、租房和生活諮詢服務，當時Cherry表示雖然只係創業初期，但所賺嘅錢已經可以養活員工，而佢目標係可以成為香港有房一族。

26歲嘅Cherry爸爸係香港人，媽媽係四川人，Cherry早年在深圳生活，直到大學畢業才來港生活。Cherry以網名「香港姑娘Cherry」分別在抖音以及小紅書開設帳戶，抖音擁180萬粉絲、而小紅書則有28.6萬粉絲。近日，有網民分享「小紅書博主賺幾多」，透露Cherry圖文筆記或視頻合作收費約5萬多人仔，收費比無綫二、三線藝人為高。睇返Cherry嘅短片內容，唔係「香港打車到底有多貴」、「在香港吃火鍋太貴了！」就係「香港青菜128一斤」。其實香港生活指數、物價高都並非什麼秘密，但有網民指Cherry一邊賣慘賣窮，一邊租住1.6萬元嘅兩房一廳私樓，兼且與友人創業，都唔會窮得去邊。