傳中國藝人禁用英文名　JW王灝兒讚網民幫改名有創意

日前資深編劇人汪海林在微博透露，指大陸廣電總局已下令，藝人不能使用外國名字，因此不少人藝人被點名，就連女星Angelababy也不能幸免，往後只能稱楊穎。消息一出，有網民在網上帖文笑問：「JW  (王灝兒) 唔可以再用英文名 ，咁應該叫乜好？惹起不少網友熱烈討論，爭分發揮創意留言：「皇兒」、「小妹」、「丁山(JW 字型)」、「啫得」等。連JW本尊也留言大讚夠創意。

今日(6/9)JW 王灝兒現身新城電台為新歌《FF》宣傳造勢。提到上述事件JW笑言：「我都覺得佢哋好得意，係好有創意，將JW改中文名，有『丁山』，有『萬灝』。不過有一個仲搞笑，佢幫我改叫『積德報怨』，咁所以有好幾個都係好有創意。不過我就覺得『萬灝』呢個名係幾搞笑，因為同一間酒店名好似。咁所以真心佩服啲網民嘅創意。不過我都係用番王灝兒呢個名。」