陳敏之兒子考入國際學校做姚焯菲學弟：考完我真係鬆一口氣

近日有報道指陳敏之兒子由星二代名幼升到國際學校做Chantel姚焯菲學弟，今天（31日）出席《黯夜守護者》的宣傳活動，敏之回應：「升小學，呢間學校我同我個仔去考，我哋完全唔識人，自己去報。其實考小學對我嚟講係一件好大壓力事，我相信對全港嘅爸爸媽媽都係。我完全冇經驗，我得一個仔，考完我真係鬆一口氣，我個仔考到，我開住Email係喊。我喊係好大壓力嘅喊，點解會咁辛苦，讀書咁難，佢咁細個要面對咁多呢啲事，然後喊完我就咩都唔理，佢直升中學。」

而學費亦十分昂貴，據知2022-23年度學費由預備班$123,200至第十二班$195,600不等，敏之笑言：「其實讀國際學校嚟講差唔多係呢個價位，最緊要佢讀到書，辛苦啲我都覺得值得，我哋父母辛苦賺嘅錢都係為仔女，食幾多着幾多真係冇咩所謂，一頭家最緊要有屋住、有書讀同食飽飯。都係盡努力，咁每個家庭都有壓力。」