唐詩詠自爆性格極之內向　曾跟名師學戲被鬧演技「垃圾都不如」

陳敏之的個人YouTube頻道節目《Chi Chat》最新一集就請來視后唐詩詠做嘉賓，唐詩詠直言自己從小性格就極之內向，且孤獨感強：「我覺得上天係點解要我入呢行，其實就係要改變我。」

唐詩詠更透露在拍《不懂撒嬌的女人》前曾在馬來西亞跟法國老師學戲，是演技大躍進的關鍵：「喺嗰個舞台直頭覺得自己係塵都不如，原來差到咁樣，我好記得我上咗一個禮拜我喊咗3日，個老師真係鬧到我，垃圾都不如。」唐詩詠直言當時自己包袱比較大，所以老師不停殘酷地鬧你，幫你打破：「當刻係好傷心，但如果你信佢，過到呢關，佢就會好教到你。」而此次的經歷對她而言是人生的里程碑，據知，該名法國老師叫Philippe Gaulier是詹瑞文的師傅，非常有料！

節目中，唐詩詠更大爆自己曾見證馬國明大發脾氣一面：「我感受過佢火山爆發，嚇死人！（係點㗎？）譬如本來係10蚊，但我哋講咗係8蚊，咁佢突然就發好大脾氣，我哋成車係⋯⋯（咁少嘢可以觸動佢？）係呀，但可能之前已經醞釀咗一啲情緒，可能忍咗好耐。」想不到一向性格無所謂的馬國明亦有這一面！