港姐2022｜徐麟曲髮造型被網民嘲似大媽：係咩，我就唔係咁覺得
撰文：吳子生
出版：更新：
《2022香港小姐競選》入圍佳麗徐麟（Astrid）今日（8/8）現身香港海洋公園出席港姐記者會。對於被指與陳茵媺激似成個餅印一樣。Astrid以唔鹹唔淡廣東話說：「其實我都有睇大家對我嘅留言話我似佢，我係覺得好榮幸嘅，因為我好欣賞佢，而我好期待能夠日後有機會可以見到佢真人。（覺得自己似唔似佢？）覺得笑容有少少似啦。（天生曲髮？）咁又唔係，其實係我鍾意電髮，而曲髮已經跟咗我5年。（網民指髮型似大媽？）係咩？但我就唔係咁覺得。而我覺得直髮同曲髮都係好啱我嘅，所以我唔擔心呢個問題。」