可嵐曾被迫墮胎離婚走出家暴陰霾　突宣布為金融業男友生B再當媽

2008年出道做歌手、現年36歲的可嵐，與前夫結婚後曾經歷歷時長達四年的家暴，最初為了囝囝幸福，她決定啞忍；但最後也是因為囝囝一句「No Daddy！Cannot hit Mummy」決定離開錯的男人，與兒子重過新生活。她曾在節目中談到四年的陰暗歲月，坦言每晚等前夫回家時都是心慌慌，因不知對方心情是好還是壞，前夫更曾迫她墮胎而令她徹底心死。她離婚後便母兼父職，成為了單親媽媽獨自肩負養大兒子使命。

離婚至今已7年，回復單身的可嵐從來沒有透露過有另一半，日前她突然在IG先後出了3個post宣布自己懷孕再度做媽咪。她post了仔仔親吻她肚皮的相片，自己孕肚的大特寫以及她的靚靚孕照，留言寫道：「尤俊小朋友禱告咗八年，天父爸爸聽到佢嘅禱告，終於佢要做哥哥啦！」、「After 8 years，我竟然還相信愛」、「開估BB性別啦！It’s a Boy！」網民亦紛紛留言為她送上祝福。

可嵐回覆傳媒表示其實BB已於6月出世，她透露男友是圈外人，從事金融行業，由朋友介紹認識，男友亦已向她求婚，但她並未接受。她指因為自己經歷過離婚，認為穩定的感情不一定需要一張婚紙，對於簽了婚書就代表對方要負責任的說法也很反感。

可嵐接受《香港01》訪問時表示：「其實今次再做媽媽都用咗一段時間去準備（因為之前失敗過兩次，醫生話因為我已經年紀唔細😅），當然對於要再次信任同愛一個人都需要好大敢氣。低調地懷孕其實係唔想影響之前嘅工作安排，唔想令工作人員刻意改期或遷就；疫情下更唔想令餐廳同事要就住我哩個大肚婆，所以佢哋都係見我個肚大到就黎生先知道老闆原來有喜😆」

可嵐又指BB出世最開心係大仔尤俊（Eugene）：「因為佢真係由3歲哭訴想有弟妹禱告盼到11歲，細佬出世至今短短兩個多月，但都睇到佢真係盡顯哥哥本色，非常主動幫忙學做家務同埋氹細佬訓覺！」