痞子殿下│楊證樺演猩猩熱天著十多磅重戲服拍到缺氧：唞唔到氣
撰文：吳子生
出版：更新：
楊證樺今日（22/8）現身電視城出席無綫熱播劇集《痞子殿下》之「記憶大考驗」宣傳造勢活動。在劇中扮演猩猩一角的楊證樺透露，是看完劇本後便向監製毛逐自薦這個角色：「其實我拍呢套劇嘅時候係最熱嘅天氣，加上有一幕喺山洞度拍，直頭好似焗爐咁樣，係熱到出晒汗，連底褲都濕晒，好似沖完涼咁。監製有感當時天氣咁熱，於是搵埋鄔嘉駿輪流飾演。不過最難演嘅地方係我著住呢件重十幾磅嘅猩猩服拍幾個鏡頭後，我係焗到缺氧抖唔到氣差啲暈低。其實我哋拍得咁辛苦都係想拍一套好嘅劇俾大家欣賞，而家出到嚟大家都好受落，幾辛苦我哋都覺得值得。」