湯洛雯上載合照疑P圖太重手變網紅 馬國明慘變歪嘴歪臉

撰文:洪曉璇
出版:更新:
以前經常話「有圖有真相」,但現今世代人手一機無限修圖APPS,眼見都真的未見得一定是事實。日前湯洛雯出席黃嘉樂婚禮,大方與男友馬國明合照,竟疑似P圖力度太強令馬明歪面。

馬國明當日擔任兄弟團,由早忙到晚,到女友靚湯到場時貼心出外接入場,又大方合照。婚禮後靚湯上載多張靚相,竟與當日其他人合照不盡相同,疑因P圖太重手出事。相片中靚湯面尖眼大,第一眼完全認唔出,有網民仲留言話撞樣徐子珊、林夏薇,甚至岑麗香,而頭貼頭的馬明竟變歪嘴歪臉相當驚嚇。
+21
靚湯樣貌出眾但如一般時下少女一樣,在社交網PO相都會P圖,亦非首次被發現出手太重。曾經在IG上載一張自拍美照,疑似用美顏濾鏡拍照,𣊬間變成網紅臉,馬明又曾爆幫女友拍攝100張中,有98張相對方都不滿意。是次再疑似P圖出事,靚湯不久後就將帖文刪去。
點選看湯洛雯減肥成效▼▼▼
+3