馬國明與湯洛雯已談到懷孕階段　充滿溺愛：如果佢第日大咗肚…

湯洛雯與馬國明拍拖兩年多，近年越愛越高調！日前，馬國明去到陳敏之的YouTube Channel 做嘉賓，最新一集就大講愛情，馬國明就自爆從未一見鍾情：「我哋拍戲，哇！大把靚女啦，個個都係靚女！一見到呢個女仔幾靚喎，但拍完之後……（我希望嗰個唔係我。）絕對唔係你。」

當被陳敏之問道湯洛雯是否一位好老婆時，馬國明就甜笑：「好難答呀呢個問題，佢好大頭蝦，佢成日唔見嘢。（唔見咩先？）啲文件，佢都大頭蝦，好多甩漏。（咁你幫佢囉）我反而好整齊，啲好緊要嘅信我會收埋。我成日都話佢，如果第時我哋有咗仔女，嗰啲考試證明書你全部都唔見晒咗，出世紙都可以唔見。我都好擔心佢，佢有時行行吓街都跌親，我哋都會研究呢啲問題，如果佢第日大咗肚，如果有呢個機會（驚佢仆親）係呀，都唔知點算好。」馬國明更稱希望出國結婚，擁有一個海邊婚禮，而整個訪問只要一提到湯洛雯都會甜笑，證明二人感情非常好！