有個閨密叫祖藍｜薛凱琪爆父母分開患情緒病：愛情令我病情惡化

《有個閨密叫祖藍》昨晚嘉賓是與王祖藍認識了18年的薛凱琪（Fiona），對於薛凱琪、王祖藍大爆對方是喊包、十次見面喊足七次，又直指自己唔夠資格做對方閨密：「佢要傾通宵電話架，但我係捱唔到眼瞓。」

甚少主動提感情事的Fiona，節目中大方談及當年拍攝電影《人間喜劇》時情緒病爆發事件，面對祖藍追問因由時亦毫不忌諱直指與感情有關：「一來係爹哋媽咪分開，但我依家會形容（唔開心）係我自己畀自己，依家會怪自己嗰時點解怪責屋企；另外咁橋嗰一年嘅愛情令我病情惡化。」並感嘆當時有可能將憤怒轉嫁了祖藍身上。

Fiona又指讀書時「乏人問津」，暫時拍拖次數則「十隻手指數得晒」：「我以前皮膚好黑、四眼同埋箍牙，大學先初戀，中學完全冇人追。」Fiona又強調自己沒有拍過散拖，並謂面對輿論壓力，其獨門愛情保鮮法是「死都唔認拍拖」。雖然如此，祖藍最後一個「閨密任務」竟挑戰難度追問Fiona現時有否心上人，Fiona奮力抵抗一輪後，終「投降」跟祖藍咬耳仔，更說至細聲講大聲笑。而Fiona亦非省油燈，一度「反客為主」追問祖藍與李亞男當初為何「焗住認愛」，二人「招來招往」相當抵死。Fiona又指偶爾有祈求天父賜她一個小孩：「有時我同上天講嘢時會掩住個肚，我會話你覺得係時候嘅話，就要畀我喇。」又打趣問祖藍有否興趣做「契媽」而非「契爺」。

Fiona謂不少男性好友視她為「麻甩佬」：「我記得啱啱入行成日見余文樂，嗰時搵佢幫我錄宣傳啦，佢一嚟就形容我係麻甩佬。」除了「麻甩」，Fiona喪笑指自己廚藝曾嚇「停」戀人：「我唔記得煮咗乜，我淨係記得佢食咗幾啖就冇食。」之前在《美女廚房》展現過地獄級廚藝的Fiona、原來多年來零進步，更向祖藍展示最新「地獄級」作品：「有日煮咗個麵，個麵著咗火，仲有火燒年糕同烘燶多士架。」

：

講到最Friend，Fiona「忠於」老友方大同，並指對方影響其三觀：「佢係我其中一個生命導師，喺我最困惑時佢將我拉番出嚟，叫我唔好做傻事。佢話呢個世界冇衰人，如果個個都覺得巫婆係巫婆，咁佢就一世係巫婆，因為佢呢句嘢，I always try to find the best in people。」

點擊下圖睇更多薛凱琪靚相