香港小姐2022｜林鈺洧想做慈善有段古：13、14歲發生咗一啲經歷

《2022香港小姐競選》昨日（11/8）19位參賽佳麗泳裝上陣會見傳媒，其中「星二代」林俊賢女兒8號林鈺洧（Denice）憑住突出身材自然成為了焦點。她接受《香港01》訪問時直言，參選目標是成為有影響力的人，成為一個慈善機構幫助有需要的人。

看似只是客套說話，原因背後是關於她的自身經歷。她接受《香港01》訪問時說：「就算第日入到娛樂圈或者慧妍雅集與否，我都好希望今次識到嘅人脈可以幫到我想做嘅嘢。因為我細個發生咗一啲經歷，但係我又唔想其他人經歷到，所以我就好想去幫助其他人。」

她表示，自13、14歲起，父母離婚之後她就離開了母親一個人生活。她續說：「例如我細個就自己出嚟住，我個人比較獨立就好啲，但係好多人女仔會覺得唔開心，係咪屋企唔要我，做乜要送我去外國讀書，或者送我去Auntie到住，有好多女仔可能受唔住壓力會亂諗嘢。當時媽媽叫我自己試吓住自己打理生活，想我獨立啲。」但她也指出，其實當時她比較享受一個人生活，所以沒感到什麼不妥。