港姐2022｜醫生張光怡否認同樂小姐稔熟：我識佢，佢未必識我
撰文：吳子生
出版：更新：
《2022香港小姐競選》19位佳麗今日（8/8）現身愉景灣進行特訓，被封為「麥明詩2.0」的25歲實習醫生張光怡（Chloe），有指其父親是醫生，其母親是某集團高層，跟各界猛人稔熟，包括無綫高層樂易玲。而Chloe與樂易玲兩位兒子Adrian及Ryan經常一大班人飯敍，大家關係非常密切。難怪外間盛傳她入選港姐三甲高唱入雲。
Chloe就上述事件接受《香港01》訪問時說：「其實媒體留意到我，我係開心嘅。而我其實係識樂小姐，但係佢未必識我咁解。不過我係喺幾個場合係見過佢嘅，但就冇去認識佢呢個人。（傳你係透過媽咪去認識佢？）其實係冇呢件事。話我因為識樂小姐會入三甲，呢啲新聞我反而覺得係會影響到我。無論點到好，我要對自己有信心，因為有信心一定會做得會更好。」