東張西望｜陳庭欣爆經常收網友性器官圖　仲有人會問佢生辰八字

TVB全新綜藝節目《答得快 好世界》正在錄製，今天（2日）的錄影嘉賓有陳庭欣（Toby），談到近日《東張西望》的主持們收到「姦斬令」，Toby接受《香港01》訪問時回應：「我當日係收到好朋友Msg，圈外朋友問我發生咩事，其實我哋時不時都會收到奇怪短訊，都慣㗎啦。」

Toby甚少要外出做主持，反而擔心外出的主持和幕後工作人員較多，「始終我哋做廠主持，聽佢哋去採訪都試過拍攝有人拎咗把刀出嚟，所以我擔心佢哋多啲。久唔久開會我都叫佢哋小心啲，始終佢哋係第一身出去，去揭破唔好嘅事，啲人一定情緒會唔係咁好。」

Toby剛也提及到收過不少奇怪訊息，多數是在IG網友私下發給她，Toby笑言除了有突然唱歌、問生辰八字等，更有網友Send性器官的圖片，Toby說：「奇怪又核突都有，張相仲要放到極大，有時都會唔小心打開，我都盡量唔打開。」