香港金曲獎｜劉德華望推動音樂共融重現四台聯頒：ViuTV都一齊做
撰文：林迅景
出版：更新：
《香港金曲頒獎典禮2021/2022》今日（24/7）於TVB將軍澳電影城舉行，一班新晉歌手為節目揭開序幕，其後劉德華出場演唱 《如果有一天》。劉德華演唱完畢後在後台與主持閒聊時說道：「第一次兩個台合作，覺得我好似新人，17歲嗰時一樣。」
被問及今次出席是否受到曾志偉邀請時，劉德華說主要是何麗全邀請。傳媒問及他會否睇好某幾位歌手，他回答：「如我咁講會對任何歌手都唔公平，睇完個頒獎禮之後，大家就會知道對邊個印象深刻啲。」
劉德華表示自己現時以拍戲為主，說：「我就要一啲時間，如果拍戲就要三年計劃，但係我自己可能會搞啲小型嘅粉絲見面會，嗱，唔一定搞嘅，可能會有。」他透露，之後會到內地工作，在內地回港之後就會開始籌備拍攝《拆彈3》。
問到會不會拍TVB劇集，劉德華笑說：「我對自己拍劇都有信心。」他亦提及，以往幾年都有四台聯頒音樂獎，說：「由兩個做起囉，我唔知呢度講唔講得啦，但係ViuTV呀所以都一齊做，呢個就係我出現喺度想帶出嘅目的。」