高海寧（高Ling）今日（23/7）以得獎者身份出席《全港時尚專業女性選舉》頒獎典禮暨閉幕禮。高Ling開心表示：「其實呢個係我喺香港第一個大獎，令到攞到呢個獎係我一個好大嘅鼓勵。因為我好記得我去面試見評審嘅時候，佢哋會問我好多嘅問題，又會問我有咩夢想。而今年大會嘅主題係講勇於追夢，所以係好符合我自己嘅。（台慶緊接住再攞獎！）真係唔知呀，希望今年會有攞獎運啦，可以持續呢個攞獎運，尋晚《童時愛上你》就大結局咗，我睇到好多留言話唔捨得我哋套劇，啲網民仲話想我哋開續集，我見到咁嘅反應我係好開心。」+3