張松枝患「甲亢」要Keep住食藥　自嘲戒女色保心臟健康

由敖嘉年、梁嘉琪主持，以探討健康為題的香港開電視首個處境喜劇節目 《嘉嘉醫療自助班》，逢星期六晚上9時30分播映。本周六（16日）主題探討心臟病，並請來張松枝擔任嘉賓，期間張松枝透露自己因甲狀腺問題影響心臟，笑言「唔諗女人」避免心跳得太快。

節目中，敖嘉年、梁嘉琪與張松枝齊齊測心跳率，結果三人都順利合格，不過張松枝就透露自己不幸患上甲狀腺機能亢進症（簡稱甲亢），會加速內臟的運行，連帶影響心臟的跳動，他說：「有時會覺得心臟突然跳得好快，所以要控制自己心情，同埋要Keep住食藥。」身旁梁嘉琪聞言，反問對方是否不能夠太興奮及開心，以保持心跳平穩？張松枝笑說：「係呀，所以盡量都唔好諗女人，哈哈。」

此外，敖嘉年爆張松枝因拍攝今次節目，而被「抄牌」，表示自己跟對方同樣心痛，他謂：「佢（張松枝）嚟做訪問，一直都睇住手錶，點知都係過咗鐘畀人抄牌，就係差少少時間，我同佢一樣咁心痛。」